Balantze energetikoa eta elikadurari buruzko heziketaEl balance energético y la educación alimentaria

Giza elikaduran balantze energetikoa orekatu behar da, eta horretarako bi bide daude:

Janariaren bitartez, gastatzen dugun energia bakarrik barneratzea.

Behar duguna baino energia gehiago irentsi ezgero, aktibitate fisikoaren bidez gastatzea.

Balantze energetikoa, sistema neuro-begetatiboen eta neuro-endokrinoen bitartez erregulatzen da; hau da, jaten duguna, gosearen, egarriaren eta asetasun sentsazioaren bidez erregulatzen da.

Ekarpena > Gastua = Pisua IGO

Ekarpena < Gastua = Pisua JEITSI

Ekarpena = Gastua = Pisua MANTENDU

GMI = Pisua Kg / (Altuera m)2

Estatu garatuetan dagoen arazoa kantitatearekin egiten diren gehiegikeriak dira, hau da, elikadura orekatua ez izatea. Hirugarren munduko elikadurari buruzko heziketa berriz, kantitatearekin erlazionaturik egongo da, helburua betebeharrak asetzea izango baita. Heziketaren helburua, pertsonek elikadurari buruz dituzten ezagutza, portaera eta gaitasunak hobetzea izango da.

Hala ere, elikadura portaerak mugatzen dituzten aldagaiak daude, janariaren eskuragarritasuna eta hau lortzeko dauden aldagai naturalak (eguraldia, lurra…) adibidez. Horretaz gain, gizarte antolamenduak, komunikabideetako propagandak, industriaren aurrerakuntza teknologikoek, kulturak, erlijioak, pertsonaren nortasunak, diru balioak eta modek ere badute zer esana gure elikadura portaeretan. HAUEK KONTUAN HARTU BEHAR DIRA HEZIKETAN.

Aldagai hauek direla eta, askotan ez diegu janarien ezaugarriei erreparatzen, eta ez badago elikadura egokirik, gaixotasunak hartzea askoz errazagoa da.