Dientzefaloa: talamoa, hipotalamoa eta hipofisiaEl diencéfalo: tálamo, hipotálamo e hipófisis

Dientzefaloa garun-enborraren eta telentzefaloaren artean dago eta zeregin instintiboen kontrola du. Lau zatitan banatzen da: epitalamoa, talamoa, hipotalamoa eta subtalamoa. Egiturak: plexu koroideoa, odola iragazi eta LZRa sortzen duena, eta III. bentrikulua, IV.arekin Silvioren akueduktuari esker kontaktuan dagoena. Epitalamoan epifisia edo guruin pineala dago, hormona jariatzen duena. Talamoa aferentzia sentsitiboen prozesamendu-zentroa da, eta handik garun-kortexera doaz kontziente bihurtzeko; talamoak kontrolatzen ez duen sistema sentsorial bakarra usaimen-nerbioa da.

LZRa III. bentrikuluan eta lateraletan sortzen da eta IV.era pasatzen da; haren sabaia hiru zulo dituen mintz bat da —bat erdian eta bi alboetan—, LZRa esparru subaraknoideora ateratzeko, eta muinaren ependimo barnetik ere joaten da. LZRak garezur barneko presioa kontrolatzen du, amortiguatzaile-funtzioa du eta neuronen elikatzailea eta hondakinen garraiatzailea da. Desegitea araknoidearen biloetan gertatzen da.

Hipotalamoaren zeregin nagusia homeostasia mantentzea da: tenperatura, elektrolito- eta ur-oreka, gosea eta asetzea, egarria, eta portaeraren adierazpen fisikoak. Informazioa sistema aferentetik biltzen du eta erantzuna sistema autonomo, motore eta endokrinoaren bidez ematen du (oxitozina, basopresina). Hipofisia zentro endokrinoa da, aulki-turkiarrean kokatua, eta bi zati ditu: adenohipofisia eta neurohipofisia. Hipotalamo-hipofisi ardatzean, hipotalamoak sortutako hormonak neurohipofisian gordetzen eta jariatzen dira, eta adenohipofisian hormonak sortu eta jariatzen dira.